“Ulliri, pema e dhimbjes” përmbledh një tufëz tregimesh dhe një novelë të Mjeshtrit të Kinematografisë Shqiptare, Dhimitër Anagnosti.   Shkruar shkurt, me një rrëfim të ngjeshur, me karaktere të skalitura qartë, me përshkrime të bukura, me gjuhë të pastër e plot hir, që të jep mundësinë të përjetosh ndodhitë si të ishe në vendin e ngjarjes, kjo tufëz tregimesh dhe novela të krijojnë gjithashtu përfytyrime të qarta, gati si në një film.
Një vepër testament që autori ia dorëzon pasardhësve të tij, servirur të mbështjellë me mirënjohjen për prindërit që e sollën në Jetë.

Ulliri Pema E Dhimbjes

Dilemën mes të shkuarës dhe të ardhmes, mes kodit të jetës dhe kodit të nderit, e sjell në romanin e tij “Koburja nga Europa” regjisori dhe skenaristi Dhimitër Anagnosti. E kemi njohur përmes regjisë, skenarëve, syrit të vëmendshëm për të kapur detajin dhe tanimë edhe në letërsi. Bëhet fjalë për një roman psikologjik, botim i shtëpisë botuese “Naimi”, i cili na kthen pas në kohë, atëherë kur Shqipëria ishte kthyer në një shesh betejash, gjatë Luftës së Parë Botërore. Ngjarja është e thjeshtë. E kthyer në një kafshë pune, e vetmuar, me burrin në kurbet, Lena, një femër e bukur nga një fshat i bregut në jug të Shqipërisë, nuk i reziston dot tundimit të mishit duke rënë në krahët e një ushtaraku italian. Historinë që ajo mendoi se e kishte fshehur mirë, e mori vesh gjithë fshati. E ëma që nuk mund ta kapërdinte dot këtë turp, i dërgon letër të birit, emigrant në Francë, i cili kthehet në fshat, vret të motrën dhe merr rrugën e kthimit, por askush nuk e pa më askund. Si mjeshtër i filmit, Anagnosti krijon imazhe përmes fjalës.
Teksa lexon tekstin, nuk është e vështirë t’i vizatosh skenat: litarët e shiut mbi gunën hedhur krahëve të Lenës, rrokullisjen e gurëve teksa italiani kalonte murin, vrapin e Aleksandrës në kërkim të vajzës së vrarë….

Lista e librave të autorit Dhimiter Anagnosti

Ulliri Pema E Dhimbjes

Koburja Nga Evropa

Ulliri Pema E Dhimbjes

Koburja Nga Evropa